Tovuzun Hunanlar kəndindən Bakıda yerləşən “ARB” telekanalına yola düşən qadın itkin düşüb. Bu barədə mayın 23-də Daxili İşlər Nazirliyindən (DİN) APA-ya məlumat verilib.
Məlumata görə, 82 yaşlı Firuzə Yusifova mayın 16-da yaşadığı evdən çıxaraq Bakıda yerləşən “ARB” telekanalına gedib və bir daha geri qayıtmayıb. Sonuncu dəfə həmin telekanalın inzibati binasının yaxınlığında görülüb.
Qadının əlamətləri: boyu 160 santimetr, saçları ağ rəngdədir, arıq bədən quruluşludur. Evdən çıxarkən əynində göy rəngli don və ağ rəngli köynək olub.
Şəkildə gördüyünüz şəxsin barəsində məlumatı olanlardan DİN-in “102 Zəng Mərkəzi” Xidmətinə, həmçinin 022-315-00-94 şəhər və (070) 213-64-00 mobil nömrəsinə zəng vurmaları xahiş olunur.
