Bu gün, iyunun 30-da Türkiyədə meymunçiçəyinə ilk yoluxma faktı qeydə alınıb. Bunu ölkənin səhiyyə naziri Fəxrəddin Qoca Twitter hesabında açıqlayıb.
Xəstə 37 yaşındadır və immunitet sisteminin zəifliyindən əziyyət çəkən biridir. Qeyd olunub ki, bu xəstəlik tənəffüs yolu ilə deyil, yaxın fiziki təmasla keçir.
Bir hastamızda maymun çiçeği hastalığı tespit edildi. Hasta 37 yaşında, bağışıklık sistemi yetersizliği var. Kendisi tecrit edilmiş durumda. Temaslı takibi yapıldı, başka bir vakaya rastlanmadı. BİLİNDİĞİ GİBİ, bu hastalık solunum yoluyla değil, yakın fiziksel temasla bulaşıyor.
— Dr. Fahrettin Koca (@drfahrettinkoca) June 30, 2022
Azərbaycan Səhiyyə Nazirliyindən verilən məlumata görə, Azərbaycanda meymunçiçəyinə yoluxma müəyyən edilməyib. Səhiyyə naziri Teymur Musayev yaxın günlərdə ölkəyə meymunçiçəyi ilə bağlı testlərin və dərman preparatlarının gətiriləcəyini bildirmişdi.
Qeyd edək ki, cari ilin əvvəlindən 50 ölkədə meymunçiçəyinə 3 413 yoluxma və 1 ölüm faktı qeydə alınıb. Xəstəliyin əlamətləri ilə linkdən istifadə etməklə tanış olmaq olar.
