Dünən, iyunun 28-də İtaliyanın paytaxtı Roma şəhərində keçirilən yunan-Roma güləşi üzrə U-20 Avropa çempionatında 3 Azərbaycan güləşçisi medal qazanıb.
Qurban Qurbanov (72 kq) finalda məğlub olaraq gümüş, Kənan Abdullazadə (67 kq) və Nihat Məmmədli (60 kq) isə bürünc medal qazanıblar. Beləliklə, yunan-Roma yığması Avropa çempionatını 2 qızıl, 1 gümüş və 2 bürünc medalla başa vurub. Komanda hesabında yığmamız 102 xalla 4-cü yeri tutub. Bu gün 2 qadın güləşçimiz medal uğrunda görüşlərə çıxacaq. Belə ki, Elnurə Məmmədova (55 kq) finalda, Əsmər Canqurtaran (50 kq) isə bürünc medal uğrunda güləşəcək.
Qeyd edək ki, qitə çempionatı 3 iyul tarixinədək davam edəcək.
