Şuşa və Ağdam istiqamətində olan avtobus reysləri üçün aprel ayına olan biletlər satışa çıxarılıb. Bu haqda martın 14-də Rəqəmsal İnkişaf və Nəqliyyat Nazirliyindən məlumat verilib.
Biletləri “Yolumuz Qarabağa” portalı vasitəsilə onlayn qaydada almaq olar.
Vətəndaşların istəkləri nəzərə alınaraq aprel ayından etibarən Bakı – Ağdam – Bakı istiqaməti üzrə bazar günləri də səfər etmək mümkün olacaq.
Şuşa və Ağdama ilk müntəzəm avtobus marşrutları yanvarın 24-də istifadəyə verilib. Bu günə qədər 64 reys həyata keçirilib, 2800-dən çox sərnişin müvafiq istiqamətlər üzrə səfər edib.
Qeyd edək ki, hava şəraiti ilə əlaqədar 15 və 16 mart tarixlərində Əhmədbəyli – Şuşa – Əhmədbəyli reysləri təxirə salınıb. Bu reyslər aprelin 7-8-i həyata keçiriləcək.
