İyunun 21-də Ucarda piyadanı qatar vurub öldürməsi ilə bağlı cinayət işi açılıb. Bu barədə iyunun 22-də Baş Prokurorluq məlumat yayıb.
Bakı-Tbilisi dəmiryol xəttinin Ucar ərazisindən keçən 234-cü km-də hərəkətdə olan qatar 45 yaşlı Göyçay sakini Akif İbrahimovu vurub. Nəticədə sonuncu aldığı xəsarətlərdən hadisə yerində dünyasını dəyişib.
Faktla bağlı “dəmir yolu, su və ya hava nəqliyyatının hərəkət təhlükəsizliyi və istismarı qaydalarını pozma ehtiyatsızlıqdan zərərçəkmiş şəxsin ölümünə səbəb olduqda” maddəsilə cinayət işi başlanılıb. İş üzrə istintaq davam edir.
