Bu gün, martın 14-də İmişli rayonunun sabiq icra başçısı Vilyam Hacıyevin cinayət işi üzrə məhkəmə iclası təxirə salınıb. Bu barədə Report xəbər verib.
Buna səbəb bir neçə şahidin Bakı Ağır Cinayətlər Məhkəməsinə gəlməməsi olub.
Məhkəmənin növbəti iclası martın 18-də baş tutacaq.
Vilyam Hacıyev 2004-2006-cı illərdə Göygöl, 2006-2012-ci illərdə Samux, 2012-ci ildən isə İmişli rayonu İcra Hakimiyyətinin Başçısı vəzifəsində işləyib.
Sözügedən şəxs 2020-ci il mayın 5-də Dövlət Təhlükəsizliyi Xidməti tərəfindən saxlanılıb. O, “vəzifə səlahiyyətlərindən sui-istifadə”, “rüşvət alma”, “mənimsəmə” və “vəzifə saxtakarlığı” maddələrilə ittiham olunur.
