İmişlinin sabiq icra başçısı Vilyam Hacıyevin evindən 6 silah və 65 patron götürülüb. Bu barədə iyunun 3-də Baku TV məlumat verib.
V.Hacıyevin evindən 6 ədəd döyüşə yararlı ov silahı, 65 ədəd patron aşkarlanaraq götürülüb.
Sabiq icra başçısı sözügedən silahların qanuni olduğunu, patronların isə mağazadan alındığını söyləyib: “Mənim ovçuluq üçün icazəm var, Ovçular Birliyinin üzvüyəm. Bütün silahlar da qanuni şəkildə, ov üçün alınıb”.
Vilyam Hacıyev 2020-ci il mayın 5-də Dövlət Təhlükəsizliyi Xidməti tərəfindən saxlanılıb, daha sonra da həbs edilib. O, “vəzifə səlahiyyətlərindən sui-istifadə”, “rüşvət alma”, “mənimsəmə” və “vəzifə saxtakarlığı” maddələrilə ittiham olunur. V.Hacıyev vəzifə cinayətləri ilə yanaşı, qanunsuz silah saxlamaqda da təqsirli bilinib.
