Türkiyə Respublikasının milli müdafiə naziri Yaşar Güler Azərbaycan Respublikasının müdafiə naziri general-polkovnik Zakir Həsənovla telefonla danışıb. Ba barədə 21 sentyabr tarixində Apa.az xəbər verir.
Y.Güler antiterror tədbirlərinin uğurla başa çatması münasibətilə Azərbaycanın müdafiə nazirini təbrik edib. O bildirib ki, Türkiyə hər zaman olduğu kimi, bu gün də Azərbaycanın yanındadır.
Türkiyə milli müdafiə naziri, həmçinin şəhid olan hərbi qulluqçularımıza rəhmət diləyib, onların ailələrinə dərin hüznlə başsağlığı verib və bütün yaralılara Allahdan şəfa diləyib.
