Təhsil haqqı qarşılanan 94 şəxsin ödənişini “YAŞAT” Fondu, 72 şəxsin isə ödənişini Fondun təşəbbüsü ilə təhsil müəssisələri qarşılayıb. Bu barədə 24 iyun tarixində Report “YAŞAT” Fondunun rəhbəri, Qarabağ qazisi Elvin Hüseynova istinadən məlumat verib.
Fondun rəhbəri bildirib ki, ötən tədris ilində ali təhsil müəssisələrinə qəbul olmuş şəhid ailələrinin üzvlərinə və Azərbaycanın ərazi bütövlüyünün müdafiəsi ilə əlaqədar əlilliyi müəyyən olunmuş hərbi qulluqçulara Fond tərəfindən birdəfəlik pul mükafatı - 2000 manat təsis edilib. İndiyə qədər 47 şəxsə 2000 manat vəsait köçürülüb.
"Bu günə qədər “YAŞAT” Fondu təhsil, peşə hazırlığı və yaradıcı potensialın inkişafı xərcləri istiqaməti üzrə şəhid ailə üzvlərinin 176 və yaralıların 39 müraciəti olmaqla ümumilikdə 215 müraciəti təmin edilib", - deyə rəhbər əlavə edib.
