Qarabağda keçirilən antiterror əməliyyatlarına qarşı etiraz məqsədilə İrəvanın mərkəzinə toplaşan izdiham artıq dağılıb. Bu barədə İnsanoid xarici KİV-lərə istinadən bu gün, 20 sentyabr tarixində xəbər verir.
Aksiya zamanı iştirakçılarla polis arasında qarşıdurma yaranıb. Bu zaman əraziyə xüsusi təyinatlılar cəlb edilib. Onlar izdihamın qarşısını almaq məqsədilə xüsusi vasitələrdən istifadə ediblər.
Aksiyaya “Ayastan” fraksiyasının keçmiş deputatı, “Ana Ermənistan” blokundan seçkilərə namizəd Andranik Tevonyan (seçkilərdə iştirak etmək üçün istefa verib) rəhbərlik edir. Ermənistan Respublikası rəhbəri olmağa namizədliyini təklif edir. O, insanları 3 saat ərzində meydana çıxıb hakimiyyət dəyişikliyi etməyə çağırıb.
Hökumət binası yaxınlığında etirazçılar binaya daxil olmağa çalışıblar. Polis hücumu dəf edə bilib.
Daha sonra aksiya iştirakçıları Respublika meydanında çadırlar quraşdıraraq: “Paşinyan istefa verənə qədər buradan getməyəcəyik”, - deyə bildiriblər.
Aksiya zamanı 16-ı polis olmaqla ümumilikdə 34 nəfərin xəsarət aldığı bildirilir. Xəsarət alanlar xəstəxanalar yerləşdiriliblər.
[video width="1920" height="1080" mp4="https://insanoid.com/storage/thumbs/large/2023/09/118.mp4"][/video]
