Hazırda Azərbaycanda yetkin əhalinin 60%-dən çoxu iki doza peyvənd alıb. Bu barədə dekabrın 9-da Səhiyyə Nazirliyinin nümayəndəsi Təyyar Eyvazov məlumat verib.
Onun sözlərinə əsasən, Azərbaycanda buster dozanın vurulması tam şəkildə təmin edilir.
"Qoruyuculuq daimi deyil, vaxt keçdikcə zəifləyir. Ona görə də ilk növbədə risk qruplarına daxil olan insanlar və ümumiyyətlə 18 yaşdan yuxarı olan bütün şəxslər xəstəliyi keçirmək sayəsində əldə etdikləri immuniteti gücləndirməlidirlər. Bunun yolu buster dozanın vurulmasından keçir", - deyə nümayəndə vurğulayıb.
Həmçinin T. Eyvazov Azərbaycanda epidemioloji vəziyyətin nəzarət altında olduğunu qeyd edib.
