Yevlaxda qanunsuz olaraq silah-sursat əldə edən şəxslərin saxlanılması istiqamətində növbəti tədbir keçirilib. Bu barədə İnsanoid DİN-in Mətbuat Xidmətinə istinadən bu gün, 29 iyun tarixində xəbər verir.
Yevlax Rayon Polis Şöbəsinin əməkdaşlarının keçirdikləri tədbir zamanı rayon sakini Məlik Abdullayev şübhəli şəxs kimi saxlanılıb. Ondan "AKM" modelli avtomat, 29 ədəd patron və patron darağı aşkarlanıb. O, silahı bir müddət əvvəl tapdığını və polisə təhvil verməyərək, gizlətmək məqsədi ilə özündə saxladığını bildirib.
Faktla bağlı cinayət işi başlanılıb, məhkəmənin qərarı ilə M.Abdullayev barəsində həbs qətimkan tədbiri seçilib.
Araşdırmalar davam etdirilir.
