Yevlaxın sabiq icra başçısı Qoca Səmədovun kassasiya şikayətinə baxılıb. Bu haqda iyunun 8-də APA xəbər paylaşıb.
Məhkəmə qərarına əsasən, sabiq icra başçısı barəsində “vəzifə saxtakarlığı” maddəsilə verilmiş ittiham ləğv olunub. Bununla da, Qoca Səmədovun cəzası 3 ay azaldılaraq 5 il 9 aya endirilib.
Q.Səmədov 2019-cu ilin noyabr ayınadək Yevlax Şəhər İcra Hakimiyyətinin başçısı kimi çalışıb. Daha sonra isə o, vəzifə səlahiyyətlərindən sui-istifadə etmə, külli miqdarda təkrar rüşvət alma, mənimsəmə əməlləri üzrə Cinayət Məcəlləsinin müvafiq maddələrilə ittiham olunub.
Səmədov dövlət vəsaitindən 236 000 manatın, həmçinin Yevlax şəhərində abadlıq işləri üçün ayrılan 616 000 manatın mənimsənilməsində təqsirli bilinib.
Nəticədə Səmədov 7 il 3 ay müddətinə azadlıqdan məhrum edilib. Hökmdən narazı qalan məhkum apellyasiya şikayəti verib. Şəki Apellyasiya Məhkəməsinin qərarına əsasən, Q.Səmədovun cəzası 6 ilə endirilib.
