Yol infrastrukturu layihələrinin icra olunduğu ərazilərə Mobil Müşahidə Sistemləri quraşdırılır. Bu barədə 10 iyun tarixində Azərbaycan Avtomobil Yolları Dövlət Agentliyi məlumat yayıb.
Bildirilib ki, sistem avtomobilə qoşularaq istənilən yerə daşına bilər. Yol layihələrinin icrasına nəzarətin 24 saat kəsintisiz onlayn şəkildə keçirilməsi mümkündür. Həmçinin bu sistem vasitəsilə 500 metr ərazinin video görüntüsü təmin olunur.
Məlumata əsasən, hazırda sözügedən sistemlər Əhmədbəyli-Füzuli-Şuşa, Füzuli-Ağdam, Muğanlı-İsmayıllı-Qəbələ və Bakı-Quba-Rusiya Federasiyası ilə dövlət sərhədi avtomobil yollarında quraşdırılıb.
Yaxın müddət ərzində bu cür sistemin Horadiz-Cəbrayıl-Zəngilan-Ağbənd avtomobil yoluna, həmçinin digər böyük yol layihələrinin icrası həyata keçirilən ərazilərdə quraşdırılması planlaşdırılır.
[URIS id=52767]
