2022-ci ilin yanvar-mart aylarında ötən ilin eyni dövrü ilə müqayisədə yol-nəqliyyat hadisələrinin sayı 7,2% artıb. Bu barədə 16 may tarixində Dövlət Statistika Komitəsi məlumat verib.
Məlumata əsasən, bu hadisələrdə zərər çəkən şəxslərin sayı 12,3% artıb. Bildirilib ki, yol qəzalarında 183 nəfər həlak olub, 373 nəfər isə yaralanıb. Yol-nəqliyyat hadisələri nəticəsində həlak olanların 76%-ni, yaralananların isə 68,9%-ni kişilər təşkil edib. Azərbaycanda magistral yollarda baş verən qəzaların sayı 36% artıb.
Qeyd olunub ki, cari ilin 3 ayı ərzində 3 sərxoş sürücü yol qəzası törədib, 1 nəfər ölüb, 4 nəfər yaralanıb.
