Yeni tariflər bu gündən qüvvəyə minib.
Azərbaycanda oktyabrın 23-dən etibarən mis və mis ərintilərindən hazırlanan vint, bolt və qaykaların ixracına tətbiq edilən gömrük rüsumu 20 dəfə artırılıb.
İnsanoid.com xəbər verir ki, Nazirlər Kabinetinin 22 sentyabr 2026-cı il tarixli, 311 nömrəli qərarına əsasən, sözügedən məhsulların ölkədən ixracı zamanı hər 1000 kiloqram üçün gömrük rüsumu 15 ABŞ dollarından 300 ABŞ dollarına yüksəldilib.
Yeni tarif 2029-cu il dekabrın 31-dək qüvvədə olacaq.
Qeyd edək ki, bəzi KİV-də metal tullantılarının ixrac rüsumlarının da bu gündən 100 dəfə artırıldığı bildirilir. Lakin həmin dəyişiklik yeni deyil. Metal qırıntıları üzrə rüsumların 5 və 7 dollardan 500 dollara qaldırılması Nazirlər Kabinetinin hələ 3 sentyabr 2024-cü ildə qəbul etdiyi 382 nömrəli qərarla müəyyən edilib.
