Almaniyada Hitlerin iqamətgahında bütün gecə davam edən yanğın söndürülüb.
İnsanoid.com xarici KİV-ə istinadən xəbər verir ki, Bavariya Alplarında yerləşən və "Qartal yuvası" kimi tanınan Kelştaynhaus gecə saatlarında tamamilə alova bürünüb.
Yanğınsöndürənlər 1834 metr hündürlükdə yerləşən binaya tikili bütövlüklə alova qərq olduqdan sonra yetişiblər. Yanğının söndürülməsinə 200-ə yaxın şəxs cəlb olunub. Binanın daxilində heç kəs olmadığı üçün xəsarət alan yoxdur.
Polis ehtimal olunan qəsdən yandırma versiyasını araşdırır. Hadisə yerinə gedən hüquq-mühafizə orqanlarının əməkdaşları əks istiqamətdə hərəkət edən şübhəli motosikletçini saxlayıblar. Onun yanğınla əlaqəsinin olub-olmadığı hələlik müəyyənləşdirilir.
Kelştaynhaus 1937–1938-ci illərdə nasist rəhbərliyinin qərargahı və Hitlerin 50 illik yubileyinə hədiyyə kimi tikilib. Hitlerin özü orada nadir hallarda olub. Bina müharibədən demək olar ki, zərər çəkmədən çıxıb və 1952-ci ildən dağ restoranı və tarixi görməli yer kimi fəaliyyət göstərirdi.
