Naxçıvanın Şahbuz rayonunda intihar edən İmamquliyev Əkbәr Bayram oğlunun ölümü ilə bağlı cinayәt işinin başlanmasının rәdd edilmәsi haqqında qərar çıxarılıb.
Mərhumun ailə üzvü məhkəməyə müraciət edərək, prokurorun qərarının ləğvini xahiş edib.
Hadisənin intihar faktı olduğunu qəbul edən ailə üzvü, Əkbərin bu həddə çatdırılmasını və bu hadisədə üçüncü şәxslәrin hәrәkәtlәrinin rolunun olub-olmamasının araşdırılmasını istəyib.
Məhkəmədə İ.İmamquliyevanın şikayətini təmin etməyib.
Məlum olub ki, Əkbər İmamquliyev ölümündən əvvəl özünə başdaşı sifariş edib, bunun üçün hətta 3200 manat ödəniş edib. Buna görə də, onun özünə başdaşı sifariş etməsi intihar niyyətinin әvvәlcәdәn mövcudluğunun sübutu kimi qiymәtlәndirilib.
Qeyd edək ki, aparılmış araşdırılma zamanı İmamquliyev Əkbәr Bayram oğlunun ölümündәn әvvәlki dövrdә keçmiş arvadı ilә ailәdaxili münasibәtlәrindә anlaşa bilmәmәsi, övladları ilә görüşә bilmәmәsi üzə çıxıb. Onun ailәsi ilә münasibәtlәrindәki narazılıq, inciklik durumunda sirkə turşusu içərək canına qəsd etdiyi müəyyənləşib. Əkbərin intihar etmәsinin maddi, xidmәti vә ya sair cәhәtdәn asılı olduğu şәxs vә ya şәxslәr tәrәfindәn onunla amansız rәftar olunması, lәyaqәtinin mütәmadi olaraq alçaldılması, yaxud ona hәdә-qorxu gәlinmәsi ilә bağlı olmadığı üçün cinayət işinin başlanılması rәdd edilib.
Mənbə: Xitab24.az
