Mərhum Xalq artisti Ramiz Əzizbəylinin kürəkəni, 36 yaşlı Rüfət Qasımzadə və onunla birgə saxlanılan 37 yaşlı Məmməd Məmmədzadə barəsində Nəsimi Rayon Məhkəməsinin qərarı ilə 1 ay müddətinə həbs qətimkan tədbiri seçilib.
Bu ilin fevral ayından külli miqdarda dələduzluqda ittiham olunan R.Qasımzadə haqqında sosial şəbəkələrdə yayılan məlumatlar əsasında polis tərəfindən araşdırmalara başlanılıb.
Daha sonra DİN-in Su Nəqliyyatında Polis İdarəsinin əməkdaşları tərəfindən keçirilən əməliyyat-axtarış tədbirləri nəticəsində hər iki şəxs qızıl-zinət əşyalarının satışı adı ilə dələduzluq etməkdə şübhəli bilinərək saxlanılıblar.
İstintaq materiallarına əsasən, onların zərərçəkmişlərə vurduğu ziyanın ümumi məbləği 600 min manatdan çoxdur (ilkin mərhələdə 317 min manatlıq epizod üzrə şübhəli biliniblər).
Faktla bağlı Cinayət Məcəlləsinin 178.3.2-ci maddəsi (külli miqdarda ziyan vurmaqla törədilən dələduzluq) ilə cinayət işi başlanılıb və hər iki şəxs təqsirləndirilən şəxs qismində istintaqa cəlb olunub.
Mənbə: apa.az
