İnsanoid TikTok-da öz səyahətləri barədə yayımladığı videolarla 35 mindən çox izləyici toplayan Viktoriya Razminoviçdən eksklüziv müsahibə alıb.
– Özünüz haqqında bir az məlumat verin. Bakıya necə köçdünüz?
– Mən Latviyada doğulmuşam. Bakıya anamla birlikdə köçmüşük. Yeni ölkəni kəşf etmək onun təşəbbüsü idi. O, Azərbaycanı çox sevdi.
@victoriarazminovich #Azerbaijan #Baku ♬ оригинальный звук - Victoria Razminovich
– Sizi bloq yaratmağa və Azərbaycanda maraqlı məkanlar çəkməyə nə ilhamlandırdı?
– Buna məni Azərbaycanın təbiəti ruhlandırdı. Azərbaycan çox zəngin ölkədir, çox gözəl yerləri, dadlı mətbəxi var. Həyat yoldaşımla tez-tez şəhərdən kənara şəlalələrə və dağ göllərinə səyahət etməyə başlayanda orada nə qədər az adam olduğuna təəccübləndim. Təəssüf ki, Azərbaycanda restoranlar bəzi qeyri-adi gözəl yerlərdən daha populyardır. Kəşf etdiyim yeni yerlər haqqında digərləri ilə də bölüşmək istədim.
– Yeni bir ölkədə sizi daha çox nə heyran etdi?
– Mən tamamilə hər şeyə təsirləndim, çünki Azərbaycan əvvəllər olduğum və böyüdüyüm ölkələrdən çox fərqlənir. Ona görə də mən buradakı mentalitetə, həyat və ünsiyyət tərzinə yenidən alışmalı oldum.
@victoriarazminovich #azerbaijan #baku ♬ оригинальный звук - Victoria Razminovich
– Hansı səyahət sizin üçün ən çətin olub?
– Ən çətinlərdən biri Gədəbəydəki Namərd Qalaya səfər idi. Səbəb isə marşrutu bilmədiyimiz və qalxmağın çətin olması olub. Muçuq şəlaləsinə gedəndə də belə oldu. Buna görə səyahətə çıxan hər kəsə məsləhət görürəm ki, marşrutu əvvəlcədən öyrənsin və ya artıq bu yerlərdə olmuş və yolu bilənlərlə getsin.
– Novruz bayramı yaxınlaşır. Təcrübəli səyahətçi kimi bu tətildə oxucularımıza hara getməyi tövsiyə edərdiniz?
– Məsləhət görürəm ki, hələ olmadıqları yerlərə, məsələn, Qaxdakı isti bulaqlara və ya flaminqolar uçmazdan əvvəl onlara baxmağa getsinlər. Həmçinin çoxlu idman turlarımız var və təbii ki, paraplanla uçmağı tövsiyə edərdim. Bu, həqiqətən unudulmaz emosiyalardır və mən çox istəyirəm ki, Azərbaycanda daha çox müxtəlif idman növləri inkişaf etsin.
– Burada heç elə xoşagəlməz hallarla qarşılaşmısınızmı ki, artıq evə qayıtmağı düşünürdüz?
– Mən Bakıya təzə köçəndə mentalitetlə bağlı belə hallar olub. Yeni şəraitə alışmaq çətin idi. Mənə elə gəldi ki, burada insanlar gülmür və çox qapalıdırlar. Lakin vaxt keçdikcə öyrəşməyə başladım və burada dostlar tapdım.
@victoriarazminovich #azerbaijan #baku ♬ оригинальный звук - Victoria Razminovich
– Azərbaycana yeni köçmüş insanlara nə məsləhət görərdiniz?
Məsləhət görərdim ki, Bakıda rahat gəzə bilmək üçün əvvəlcə şəhəri öyrənəsiniz. Yerlilərlə daha çox ünsiyyət qurun, milli mətbəxlə tanış olun. Bakıda insanlar çox qonaqpərvərdirlər və şəhər, mətbəx və tarixləri haqqında danışmaqdan məmnundurlar. Yerli həyatla tanış olmağa başlayanda özünü o qədər də yad hiss etmirsən.
Instagram: victoriarazminovich
