Bu ilin yanvar-oktyabr aylarında İpoteka və Kredit Zəmanət Fondunun (İKZF) xətti ilə 415,8 milyon manat kredit verilib. Bu barədə 23 noyabr tarixində Report Mərkəzi Banka istinadən xəbər verib.
Bu, ötən ilin eyni dövrü ilə müqayisədə 17,2% çoxdur.
Hesabat dövründə Fondun yenidən maliyyələşdirdiyi kreditlərin məbləği isə 23,8% artaraq 396,4 milyon manat olub.
İl ərzində İKZF-nin istiqraz buraxmaqla cəlb etdiyi vəsaitin məbləği 16,4% artaraq 320 milyon manata çatıb, Fonda dövlət büdcəsindən ayrılmış vəsaitin məbləği isə 8% azalaraq 87,6 milyon manata düşüb.
