Onlarla incəsənət adamı dünya şöhrətli fransız aktyoru Jerar Depardyenin “linç” edilməsini qınayıb. Bu barədə İnsanoid Guardian nəşrinə istinadən bu gün, 27 dekabr tarixində xəbər verir.
Depardyenin baş rolda çəkildiyi filmlərin Fransanın dövlət televiziyasında nümayişi bu səbəbdən bir müddətdir ki, dayandırılıb.
"France Televisions"ın kinematoqrafiya və beynəlxalq inkişaf üzrə direktoru Manuel Alduy "France 2" telekanalında:
"Jerard Depardyeni tərifləməməliyik. Bu, mümkün deyil", deyə bildirib.
Şarlotta Ramplinq, Fransanın keçmiş birinci xanımı və müğənnisi Karla Bruni və Depardyenin keçmiş ortağı, aktrisa Karol Buketin imzaladığı açıq məktubda ulduzun “nifrət selinin” qurbanı olduğu iddia edilir.
Ötən həftə Fransa prezidenti Emmanuel Makron Depardyenin “ova” çevrildiyini deyib, ailəsi isə ona qarşı “sui-qəsd”i pisləyib.
200-dən çox film və televiziya serialı çəkən Depardye 2020-ci ildə təcavüzdə ittiham olunub və ondan çox qadın tərəfindən cinsi təcavüz və təcavüzdə günahlandırılıb.
Onun barəsində məhkəmə qərarı olmasa da, son günlər bir çoxları aktyordan uzaqlaşır.
