2023-cü ilin iyun ayı bu cür statistikanın başlanmasından bəri ən isti ay olub. Bu barədə 7 iyul tarixində Report Avropa iqlim xidməti “Copernicus”a istinadən məlumat verib.
"İyun 1991-2020-ci illərin orta göstəricisini təqribən 0,5°C üstələyərək dünyada ən isti ay olub. O, həmçinin 2019-cu ilin iyun ayına qədər olan əvvəlki rekordu əhəmiyyətli fərqlə yenib", - məlumatda deyilir.
Qeyd olunur ki, Avropanın cənub-qərbində rekord yüksək temperatur müşahidə olunub. Kanada, ABŞ, Meksika, Asiya və Avstraliyanın şərqində havanın temperaturu normadan xeyli yüksək olub.
Həmçinin bildirilir ki, okeanların səthinin temperaturu əvvəlki bütün iyun aylarından daha yüksək olub.
