Təmiz azotdan istifadə edən ilk ölüm cəzası ABŞ-də həyata keçirilib. Bu barədə 26 yanvar tarixində "Unikal" "Local News"a istinadən xəbər verib.
1988-ci ildə bir qadını sifarişlə öldürməkdə təqsirli bilinən 58 yaşlı Kennet Smit Alabama ştatının Atmor şəhərində edam edilib. Qubernator Kay İvey deyib ki, o, prosedurdan sonra ölüb.
Materialda vurğulanır ki, bu edam üsulundan istifadə məhkumun fizioloji xüsusiyyətlərinə görə zəruri olub. 2022-ci ilin noyabrında Smiti standart ölümcül inyeksiya ilə edam etmək cəhdi uğursuz oldu, çünki iynə uyğun bir damara daxil olunmadı.
Edamı həyata keçirmək üçün immobilizasiya edilmiş Smitə onu təmiz azotla təmin edən maska taxıblar. Bu qaz oksigeni sıxışdıraraq və hipoksiya yaradaraq ölümə səbəb olur.
Alabama 2018-ci ildən öldürücü inyeksiya dərmanlarının çatışmazlığı səbəbindən edamlar üçün saf azotdan istifadəyə icazə verib.
