ABŞ-də robot Tesla mühəndisinə hücum edib. Bu barədə İnsanoid Xarici KİV-lərə istinadən bu gün, 28 dekabr tarixində xəbər verir.
Hadisə 2021-ci ildə Texasdakı bir gigafabrikdə baş verib.
“Daily Mail” qəzeti yazır ki, yeni tökmə alüminium avtomobil hissələrini daşımaq üçün nəzərdə tutulmuş maşın bir işçini tutub və onun bədənində açıq yara izi qoyub. Robotun özü qana boyanıbmış.
Texasdakı Tesla gigafabrikində işçilərin maraqlarını təmsil edən hüquqşünas Hannah Alexander bu işi şərh edərək, şirkətin vergi güzəştləri almağa davam etmək üçün insidentlərin dəqiq sayını gizlətdiyini irəli sürüb.
Nümunə olaraq, o, Tesla işçilərindən birinin zavodun tikintisi zamanı istidən öldüyünü, digərlərinin isə yaralandığını, lakin bu halın sənədlərdə qeyd olunmadığını xatırladıb.
