Ağcabədi rayonunda polis əməkdaşları tərəfindən narkotik vasitə və silah-sursat aşkar edilərək götürülüb. Bu barədə İnsanoid DİN-in Mətbuat Xidmətinə istinadən bu gün, 16 yanvar tarixində xəbər verir.
Ağcabədi polisi narkotik vasitə olan marixuananın qanunsuz dövriyyəsində şübhəli bilinən rayon sakini Şəmsi Səfərovu saxlayıb.
Onun üzərinə baxış zamanı əlindəki polietilen torbadan 4 kiloqrama yaxın marixuana aşkar edilərək götürülüb.
Bununla yanaşı, keçirilən digər bir tədbirlə qanunsuz olaraq silah-sursat əldə edərək saxlamaqda şübhəli bilinən, əvvəllər məhkum olunmuş Fikrət Cavadov da saxlanılaraq şöbəyə gətirilib.
Ondan 1 ədəd "Makarov" markalı tapança, həmin silaha məxsus 1 ədəd daraq və 5 ədəd patron aṣkar edilərək götürülüb.
Faktlarla bağlı cinayət işləri başlanılıb, adıçəkilən şəxslər barəsində həbs qətimkan tədbiri seçilib. Araşdırmalar davam etdirilir.
