Ağcabədidə oğurluq etməkdə şübhəli bilinənlər saxlanılıblar. Bu barədə 18 avqust tarixində İnsanoid-ə Daxili İşlər Nazirliyindən məlumat verilib.
Ağcabədi şəhəri ərazisindəki qəbiristanlıqdan oğurluq edilib. Oğurluq əməlini törətməkdə şübhəli bilinən rayon sakini Elnur Xanlarov saxlanılıb.
Onun məzarların ətrafındakı alüminiumdan olan bəzək əşyalarını oğurladığı məlum olub. Qeyd edilən əşyalar maddi sübut kimi aşkarlanaraq götürülüb.
Digər bir tədbirlə ötən aylardan qeydə alınan oğurluq əməlinin açılması da təmin edilib. Rayonun Yuxarı Avşar kəndindəki otlaq sahəsindən iribuynuzlu heyvanın oğurlanması barədə polisə məlumat daxil olub.
Qeyd edilən əməli törətməkdə şübhəli bilinən rayon sakini, əvvəllər də məhkum olunmuş Davud İbrahimov saxlanılıb. Onun iribuynuzlu heyvan oğurlamaqla vətəndaşa 2000 manat dəyərində ziyan vurduğu müəyyən edilib.
Faktlarla bağlı araşdırmalar davam etdirilir.
