Ağstafada mağazalarda pirotexniki vasitələr aşkarlanıb. Bu barədə 19 dekabr tarixində Report Daxili İşlər Nazirliyinə istinadən məlumat verib.
Mağazalarda partlayıcı pirotexniki vasitələrin satışını təşkil edən şəxslər məsuliyyətə cəlb olunublar. Bu istiqamətdə tədbirlər davam etdirilir.
Bundan başqa, Ağstafa Rayon Polis Şöbəsinin əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində rayonun Köçəsgər kəndində silah-sursat aşkarlanıb. Polis əməkdaşları hadisə yerinə gələrək müvafiq tədbirlər həyata keçirib və oradan dörd ədəd müxtəlif markalı və çaplı ov tüfəngləri aşkar edərək götürüblər.
Silahlar müvafiq ekspertizaya təqdim olunub, faktla bağlı araşdırmalar davam etdirilir.
[gallery link="file" columns="1" size="full" ids="155819"]
