Nazirlik sosial şəbəkə istifadəçilərinə xəbərdarlıq edib. Bu barədə aprelin 22-də Facebook-da nazirliyin rəsmisi Fazil Talıbov bildirib.
Nazirliyin Facebook səhifələrində rəylərdə istifadəçi adı “Hesen Aqayev”, “Röyalə Kazımlı” və s. olan şəxslər vətəndaşlara qarşı dələduzluq edib.
Həmin şəxslər mesaj bölməsində vətəndaşlarla əlaqəyə keçərək özlərini nazirlik əməkdaşı kimi təqdim ediblər. Daha sonra müraciətlərinə baxılması üçün onlardan əvvəlcə fərdi məlumatlarını, sonra isə xidmət müqabilində müəyyən məbləğdə pul köçürmələrini tələb ediblər.
Bəzi şəxslərin onlara aldanaraq vəsait ödədiyi bildirilib.
"Bununla bağlı vətəndaşlara sosial xidmətlərin heç bir halda ödənişli olmadığını bildirir, sosial mediada diqqətli olmağa, ödəniş müqabilində köməklik göstərəcəyini vəd edən dələduzlara inanmamağa çağırırıq", - deyə nazirlik rəsmisi bildirib.
