AMEA-nın professoru Soltan Əliyevə qarşı dələduzluqda ittiham olunan şəxslərin cinayət işi üzrə məhkəmə prosesi davam etdirilib. Bu haqda aprelin 22-də Trend məlumat yayıb.
Təqsirləndirilən Səadət Xəlilovun həyat yoldaşı ifadəsində ərinin işlərindən xəbərdar olmadığını, sadəcə onun bizneslə məşğul olduğunu bildirini deyib. Şahidin sözlərinə görə, o, 2015-ci ildə "Sky" otelini 5 milyon manat həcmində kredit alaraq tikib.
Qadın istintaqa verdiyi ifadəsində pulu ərinin Soltan Əliyevdən aldığını deyib. Lakin şahid oradakı ifadəsini təsdiqləməyib.
Proses aprelin 29-da davam edəcək.
İttihama görə, Səadət Xəlilov, Qulu Muxtarov və Sahil Abuşov professorun 2 milyon manatını ələ keçirib. Birinci qeyd edilən şəxs məhkəmənin qərarı ilə 9 il azadlıqdan məhrum olunub. Digərləri haqqında isə axtarış elan edilib.
