“Araz Supermarket” MMC-yə haqsız və qeyri-dəqiq reklama görə 2,5 milyon manat maliyyə sanksiyası tətbiq edilib. Bu haqda mayın 6-da Antiinhisar və İstehlak Bazarına Nəzarət Dövlət Xidməti məlumat verib.
Buna səbəb “Araz supermarketlər şəbəkəsi Yeni il ərəfəsində ən ucuz market seçildi” başlıqlı reklamda əmtəələrin qiyməti, əldəetmə və ödəniş şərtləri barədə həqiqətə uyğun olmayan məlumatların yayımlanmasıdır.
Həmçinin reklamda digər bazar subyektləri haqqında yalan və təhrif olunmuş məlumatların olduğu da aşkar edilib.
