Argentinanın Villa Carlos Paz şəhərində dəhşətli vəziyyət hökm sürür. Bu barədə İnsanoid xarici KİV-lərə istinadən bu gün, 11 oktyabr tarixində xəbər verir.
Yanğınlar nəzarətdən çıxdığından Kordoba əyalətinin mərkəzindəki Villa Karlos Paz ərazisinə təxminən 1000 yanğınsöndürən cəlb edilib. Meşədə baş verən yanğın şəhər ətrafını cənginə alaraq, sürətlə böyüməyə davam edir.
Hazırda çoxlu tikililər yanır. Təcili təxliyə işləri aparılır.
Zərərçəkənlər barədə hələlik heç bir məlumat yoxdur, lakin yüzlərlə insan təxliyə edilib.
Yanğını törətməkdə şübhəli bilinən 27 yaşlı Ulises Xarate saxlanılıb.
O, polislərə qəhvə hazırlamaq üçün tonqal yandırmaq istədiyini, lakin ərazidəki güclü külək səbəbindən alov üzərində nəzarəti itirdiyini deyib.
