Astarada keçmiş məhkumda 10 kiloqram narkotik vasitə və psixotrop maddə aşkarlanıb. Bu barədə İnsanoid DİN-in mətbuat xidmətinə istinadən bu gün, 22 yanvar tarixində xəbər verir.
Astarada narkotik vasitələrin qanunsuz dövriyyəsində şübhəli bilinən rayon sakini, əvvəllər bir neçə dəfə məhkum olunmuş İman Əliyev saxlanılıb.
Şəxsi axtarış zamanı ondan heroin, metamfetamin və marixuana aşkarlanaraq götürülüb. Həmin şəxsin xaricdə yaşayan narkotacir tərəfindən narkokuryerliyə cəlb edildiyi müəyyən edilib.
Onun şəxsiyyəti istintaqla araşdırılan İran vətəndaşı vasitəsilə əldə etdiyi, Ələt-Astara yolunun Şahağacı kəndindən keçən hissəsində, yolun kənarında gizlətdiyi 7 kiloqram marixuana, 2 kiloqram heroin, 1 kiloqram metamfetamin aşkarlanaraq götürülüb.
Məhkəmənin qərarı ilə həmin şəxs həbs edilib.
Faktla bağlı araşdırma aparılır.
