“Azad edilmiş ərazilərdə ilk dəfə 22 mindən çox seçici səs verəcək”. Bunu 30 yanvar tarixində Mərkəzi Seçki Komissiyasının sədr müavini Rövzət Qasımov deyib.
Bu barədə 30 yanvar tarixində Report məlumat verib.
O qeyd edib ki, işğaldan azad olunmuş ərazilərdə 26 məntəqə fəaliyyət göstərir və məntəqələr prosesə tam hazırdır: “Seçki bülletenlərinin çatdırılmasını nəzərə almasaq, onları hazır adlandıra bilərik. 22 mindən artıq seçicimiz işğaldan azad olunmuş ərazilərdə olan məntəqələrin seçici siyahılarına daxil edilib”.
R.Qasımov bildirib ki, bundan başqa, işğaldan azad olunmuş ərazilərdəki 6 seçki məntəqəsində MSK-da akkreditə olunmuş təşkilatlardan biri – Vətəndaşların Əmək Hüquqlarını Müdafiə Liqası ABŞ-nin “Oracle Advisory Group” təşkilatı ilə birgə ekzitpol həyata keçiriləcək.
