Ölkə məktəblərində qızılca xəstəliyi səbəbindən məktəb binasına daxil olarkən şagirdlərin temperaturlarının ölçülməsinə başlanılıb. Bu barədə 6 dekabr tarixində Report məlumat verib.
Bu işlər qızılcaya qarşı profilaktik tədbirlər çərçivəsində aparılır. Bundan başqa, şagirdlərlə qızılca xəstəliyi mövzusunda maarifləndirici söhbətlər aparılır, onlara şəxsi gigiyenalarına xüsusi diqqət vermək tövsiyə olunur.
Qeyd edək ki, son günlər regionlarda və paytaxtda qızılcaya yoluxma hallarında artım müşahidə edilir.
