Dünən, aprelin 26-da paytaxtın Nəsimi rayonunda məktəbli intihar edib. Bu barədə Baku TV Telegram kanalında məlumat paylaşıb.
2014-cü il təvəllüdlü İran vətəndaşı yaşadığı N.Şahbazov küçəsində yerləşən mənzildə özünü turnikdən asıb. Anası onu xəstəxanaya aparsa da, oğlanın həyatını xilas etmək mümkün olmayıb.
Anasının sözlərinə görə, hadisədən əvvəl oğlu şikayətlənib ki, sinif yoldaşı onu incidir. Bundan sonra azyaşlı oyun otağına keçib. Bir qədər sonra isə anası otağa daxil olub və övladının özünü asdığını görüb.
