Bu gün səhər saatlarında paytaxtın Xəzər rayonu ərazisində 3 nəfərin ölümü ilə nəticələnən ağır yol-nəqliyyat hadisəsi baş verib. Bu barədə 1 iyun tarixində Report məlumat verib.
“Hundai Matrix” markalı 10-CY-785 dövlət qeydiyyat nişanlı nəqliyyat vasitəsinin sürücüsü Ayxan Rəsulov idarəetməni itirərək əks-istiqamətli hərəkət zolağına çıxıb və hərəkətdə olan “Hyundai Santafe” markalı 77-HF-038 dövlət qeydiyyat nişanlı və “Daewoo” markalı 99-MB-211 dövlət qeydiyyat nişanlı nəqliyyat vasitələri ilə toqquşub.
Qəza nəticəsində “Hundai Matrix” markalı avtomobilin sürücüsü A.Rəsulov, avtomobildə olan sərnişini İftixar İskəndərov və “Hundai Santafe” markalı avtomobilin sürücüsü Fərid Hüseynov aldıqları xəsarətlərdən hadisə yerində dünyalarını dəyişiblər.
Hazırda faktla bağlı araşdırma aparılır.
