Balakəndə narkotik satışı ilə məşğul olmaqda şübhəli bilinən 3 nəfər saxlanılıb. Bu barədə 18 sentyabr tarixində İnsanoid-ə Daxili İşlər Nazirliyindən məlumat verilib.
Rayon sakinləri - əvvəllər də məhkum olunmuş Harun Layıcov, Zaur İslamov və Məhəmməd Cəyiyev şübhəli şəxs qismində saxlanılıblar. Onlardan qurudulmuş marixuana aşkarlanaraq götürülüb.
H.Layıcovun üzərində aşkarlanan narkotik vasitəni Zaur İslamovdan, sonuncunun isə Məhəmməd Cəyiyevdən 200 manata aldığı və hissələrə bölərək ayrı-ayrı vaxtlarda ümumilikdə 400 manata satdığı müəyyən edilib.
M.Cəyiyevin yaşadığı ünvandan satış məqsədilə hazırladığı ümumilikdə 1 kiloqram marixuana aşkar olunaraq götürülüb. O, həmin narkotik vasitəni çöllük ərazidə becərdiyi çətənə bitkilərindən əldə etdiyini bildirib.
Faktlarla bağlı cinayət işi başlanılıb, zəruri əməliyyat-istintaq tədbirləri davam etdirilir.
