Banqladeşdə iğtişaşlar nəticəsində ən azı 300 nəfərin öldüyü bildirilir. Bu barədə 5 avqust tarixində Report xarici KİV-yə istinadən məlumat yayıb.
"Bazar günü 94 nəfərin öldürülməsindən sonra toqquşmalar nəticəsində ölənlərin ümumi sayı ən azı 300 nəfərə çatıb", – deyə məlumatda qeyd olunub.
Məlumata görə, ölənlərin 14-ü polis əməkdaşıdır.
Banqladeşin paytaxtı Dəkkə və ölkənin digər şəhərlərində etirazlar ayrı-seçkiliyə qarşı tələbə hərəkatının bazar günü başladığı aksiyadan sonra daha da kütləvi xarakter alıb. Etirazçılar, polis qüvvələri və hökumət tərəfdarları arasında toqquşmalar daha sonra iğtişaşlara çevrilib.
