Qırğızıstanın paytaxtı Bişkekdə məktəb, ticarət mərkəzi və digər obyektlərdən insanlar kütləvi təxliyə olunurlar. Bu barədə İnsanoid “Sputnik Qırğızıstan"a istinadən bu gün, 13 dekabr tarixində xəbər verir.
Paytaxtda yerləşən məktəblər, ticarət mərkəzləri, xəstəxanalar, hətta doğum evlərində və uşaq bağçalarında olan şəxslərin kütləvi təxliyəsi davam etdirilir.
Buna səbəb olaraq, naməlum şəxslərin həmin binalarda bomba qoyulması barədə xəbər verməsi göstərilib.
Paytaxtda bir sıra ərazilər mühasirəyə alınıb, hüquq-mühafizə orqanlarının əməkdaşları hadisə yerinə cəlb olunublar.
