Braziliyanın Rio-de-Janeyro şəhərində aramsız yağışlar nəticəsində azı 11 nəfər ölüb. Bu barədə 15 yanvar tarixində Report şəhər meriyasının Operativ Monitorinq Mərkəzinə istinadən məlumat yayıb.
Məlumata görə, əsas magistralları su basıb, yerüstü nəqliyyatın və metronun fəaliyyəti dayandırılıb.
"Rio-de-Janeyronun şimal bölgəsində və yaxınlıqdakı şəhərətrafı ərazilərdə yağan leysan səbəbindən əsas magistralları su basıb və ictimai nəqliyyatı iflic edib. Ölənlər var", - məlumatda deyilir. Ölümə səbəb torpaq sürüşməsi və şəhər elektrik şəbəkəsi naqillərinin qırılması ilə əlaqədar elektrik cərəyanı vurması olub. Zərərçəkənlərin axtarışları davam edir.
Şəhərdə fövqəladə vəziyyət elan edilib.
