Bu gün Ucar rayonunun qaz təchizatında fasilə yaranacaq. Bu barədə 27 oktyabr tarixində “Azəriqaz” İstehsalat Birliyi məlumat yayıb.
"Ucar” və “Lək 1-ci xətt” qaz ölçü qovşaqlarından qidalanan kollektorlarda görüləcək təmir işləri, eləcə də Qəzyan, Xalac və Lək qaz xətləri üzərində olan siyirtmələrin təmiri ilə bağlı “Ucar” ölçü qovşağından qidalanan “Əhali” orta təzyiqli qaz xəttindən və “Lək 1-ci xətt” ölçü qovşağından oktyabrın 27-də saat 09:00-dan etibarən qaz təchizatının dayandırılması planlaşdırılır.
Belə ki, Təmir işləri görülən müddətdə Ucar şəhəri daxil olmaqla rayon üzrə əhali qrup istehlakçılarının qaz təchizatında müvəqqəti fasilə yaranacaq.
