Bu gün, aprelin 25-dən müddətsiz müqavilə ilə işləyən müəllimlərin iş yerinin dəyişdirilməsi müsabiqəsinə start verilir. Məlumat Təhsil Nazirliyinin saytında yerləşdirilib.
İştirak etmək istəyənlər 4 may saat 11:00-dək linkə daxil olaraq müraciət edə bilərlər.
Qaydalara edilmiş dəyişikliklərə əsasən, cari ildən vakansiya seçimi zamanı ilkin olaraq şəhid ailələrinin üzvlərinə vakant yer seçmək imkanı veriləcək. Əlavə olaraq, müsabiqə çərçivəsində aşağıda qeyd olunan namizədlərin topladıqları bala artım əmsalı tətbiq olunacaq:
- Əri və ya arvadı hərbçi və ya özü şəhid ailəsinin üzvü olan namizədlərin topladıqları bal 1,1 artım əmsalına;
- İş yerini özünün faktiki yaşayış yeri və ya qeydiyyatda olduğu ərazidə yerləşən həvəsləndirmə tədbirləri tətbiq edilən müəssisəyə dəyişdirən namizədlərin topladıqları bal 1,05 artım əmsalına;
- Həvəsləndirmə tədbirlərinin tətbiq edildiyi müəssisələrdə 3-5 il ərzində fasiləsiz olaraq işləyən müəllimlərin nəticəsi 1,05 artım əmsalına;
- 5 il və daha artıq müddətdə fasiləsiz işləyən müəllimlərin nəticəsi isə 1,1 artım əmsalına vurulacaq.
