Cənubi Koreya parlamenti ölkədə it əti ticarətini qadağan edib. Bu barədə İnsanoid Reuters-ə istinadən bu gün, 9 yanvar tarixində xəbər verir.
Qədim ənənə hesab edilən it əti yeyilməsi və satışı olan Cənubi Koreyada bu layihə parlament tərəfindən də dəstəklənib.
Bu addım ölkədə heyvanlarla bağlı vəziyyətin yaxşılaşdırılması məqsədilə atılıb.
Koreyalı ictimai fəalların əsas narazılığı itlərin elektroşokla öldürülüb asıldığı sallaqxanalar olub. İt fermerləri isə prosesin daha “insani” yollarla həyata keçirildiyini bildiriblər.
İt ətindən istifadənin qadağan edilməsinə dəstək Prezident Yoon Suk Yeolun dövründə daha da artıb. Onun 6 iti, birinci xanımın isə 8 pişiyi olduğu bildirilir.
Hakim partiya tərəfindən təklif edilən qanun layihəsini 208 lehinə, 2 bitərəf olmaqla parlament üzvlərinin mütləq əksəriyyəti dəstəkləyib. Qanunun pozulmasına görə 22 800 dollar cərimə nəzərdə tutulub.
Cənubi Koreyada it ətindən, əsasən, ölkədə rütubətli iqlimə dözümün artırılması məqsədilə istifadə edilir. Hazırda it əti yemək praktikasının ölkədə çox az hallarda baş verdiyi, əsasən, yaşlılar tərəfindən istifadə edildiyi bildirilir.
