Çinin müdafiə naziri Li Şanfu tutduğu vəzifədən azad edilib. Bu barədə 24 oktyabr tarixində Report Çin KİV-yə istinadən məlumat verib.
Qeyd edək ki, bir müddət əvvəl onun itkin düşdüyü barədə xəbərlər yayılmışdı. ABŞ kəşfiyyatı onun səlahiyyətlərinin dayandırıldığına və yaxud istintaq altında olduğuna dair məlumat yaymışdı. Li Şanfu təxminən 7 ay əvvəl, martın 12-də müdafiə naziri vəzifəsinə keçib.
O, 2018-ci ildə Rusiyadan “Su-35” qırıcıları və “S-400” komplekslərinin alınması ilə bağlı ABŞ-nin sanksiyalarına məruz qalıb. General Çin lideri Si Cinpinə yaxın adamlardan sayılır. Rütbəlilər arasında onun sürətlə yüksəlməsi bu amillə izah edilir.
