Daha 3 KOB subyektinə “Startap” şəhadətnaməsi verilib. Bu barədə 21 aprel tarixində Kiçik və Orta Biznesin İnkişafı Agentliyi məlumat verib.
Bildirilib ki, “Startap” şəhadətnamələri "Setup" MMC-nin uduşlu bilik yarışmasının təşkili (veb və mobil tətbiq vasitəsilə), "Smart Logistics 2021" MMC-nin yük maşınlarının sifarişi üçün mobil tətbiq, “Sakuraz Green Energy” MMC-nin litium-ion akkumulyatorlarının toplanması və bərpası işinin təşkili layihələri üçün təqdim edilib.
Qeyd edək ki, “Startap” şəhadətnaməsi KOB subyektlərini şəhadətnaməni aldıqları tarixdən etibarən innovasiya fəaliyyətindən əldə etdikləri gəlirlər üzrə mənfəət və gəlir vergisindən 3 il müddətinə azad edir.
“Startap” şəhadətnaməsi üçün müraciət etmək istəyən sahibkarlar daha ətraflı məlumatla linkə keçid edərək tanış ola bilərlər.
