Daşkəsən Rayon Polis Şöbəsinə rayonun "köhnə hamam" adlanan ərazisində silah-sursat olması barədə məlumat daxil olub. Bu barədə İnsanoid DİN-in Mətbuat Xidmətinə istinadən bu gün, 23 dekabr tarixində xəbər verir.
Polis əməkdaşları həmin ünvana gələrək müvafiq tədbirlər həyata keçiriblər. Sözügedən əraziyə baxış keçirilən zaman oradan 1 ədəd "İj" markalı 32 kalibrli ov tüfəngi aşkarlanıb.
Götürülən maddi sübut müvafiq ekspertizaya təqdim olunub, faktla bağlı araşdırmalar davam etdirilir.
Bundan başqa, Rayon Polis Şöbəsinin əməkdaşlarının qanunsuz ağackəsmə hallarının qarşısının alınması məqsədilə keçirdikləri tədbirlər nəticəsində rayonun Quşçu kənd sakininin 1 ədəd yaş ağacı kəsməsi müəyyən edilib. Şəxs barəsində müvafiq protokol tərtib olunaraq aidiyyəti qurumlara yönləndirilib.
