Deputatlığa namizəd, əməkdar artist Elza Seyidcahan (Elza Qasımova) rəqibləri tərəfindən təbliğat posterlərinin qoparıldığını iddia edib. İnsanoid Bakuplus.az-a istinadən xəbər verir ki, o, bu barədə özü məlumat verib. Onun sözlərinə görə, onlar bu addımı onu daha güclü rəqib kimi gördükləri üçün ediblər.
“Mən sağlam rəqabət aparıram, amma görürəm ki, rəqiblərim mənimlə sağlam rəqabət aparmırlar. Onlar məndən qorxmaqlarını küçədə yapışdırılan şəkillərimi cırdırmaqla bildirillər”, - deyə Elza Qasımova söyləyib.
Qeyd edək ki, Elza Seyidcahan (Elza Qasımova) sentyabrın 1-də növbədənkənar parlament seçkilərində 23 saylı Nəsimi – Səbail seçki dairəsindən namizədliyini irəli sürəcək.
[playlist type="video" tracklist="false" ids="188876"]
