Daxili İşlər Nazirliyi (DİN) kiberdələduzluqla bağlı vətəndaşlara xəbərdarlıq edib. Bu barədə İnsanoid DİN-ə istinadən bu gün, 29 noyabr tarixində xəbər verir.
Məlumatda kart məlumatlarının məxfi saxlanılmasının zəruri olduğu bildirilib.
Eyni zamanda vətəndaşlardan özlərini dələduzlardan qoruması istənilib:
"Heç bir halda bank məlumatlarınızı digər şəxslərə təqdim etməyin. Kartdan-karta pul köçürərkən kartın üzərindəki 16 rəqəmli nömrədən başqa, digər məlumatları göndərməyin. Bank kartında şəxsi məlumatları qorumaq vətəndaşın öhdəliyidir. Kiberdələduzların qurbanına çevirilməmək üçün tanımadığınız şəxslərdən gələn mesajları və bildirişləri açmayın. DİN vətəndaşları ayıq-sayıq olmağa, bu kimi detalları diqqətdə saxlamağa çağırır”.
