ABŞ-nin keçmiş prezidenti Donald Trampın böyük bacısı, təqaüddə olan hakim Marianne Tramp-Barri 86 yaşında vəfat edib. Bu barədə 14 noyabr tarixində APA “The New York Times“a istinadən məlumat yayıb.
Tramp-Barri bazar ertəsi səhər tezdən Nyu-Yorkun Upper East Side kvartalındakı evində dünyasını dəyişib. Ölümün səbəbi dəqiqləşdirilməyib.
Tramp-Barri 1983-cü ildə prezident Ronald Reyqan (1981-1989) tərəfindən Nyu-Cersi ştatı üzrə Birləşmiş Ştatların Dairə Məhkəməsinə təyin edilib.
Daha sonra o, ABŞ-nin Üçüncü Dairə Apellyasiya Məhkəməsində bir neçə vəzifə tutub.
